أنت وقلم الرصاص!!!!!!!!!!!!!!!!!!!!!!!!

[size=18]

في البدء تكلم صانع قلم الرصاص الي قلم الرصاص قائلا:هناك خمسة امور اريدك ان تعرفها قبل ان ارسلك الي العالم.تذكرها دائما وستكون افضل قلم رصاص ممكن.
أولا:
سوف تكون قادرا علي عمل الكثير من الأمور العظيمة ولكن فقط ان اصبحت في يد احدهم.
ثانيا:
سوف تتعرض لبري مؤلم بين فترة واخرى ولكن هذا ضروري لجعلك قلما أفضل .
ثالثا:
لديك القدرة علي تصحيح أي أخطاء قد ترتكبها"الممحاة التي في آخر القلم"
رابعا:
دائما سيكون الجزء الأهم فيك هو مابداخلك.
خامسا:
ومهما كانت ظروفك فيجب عليك ان تستمر بالكتابة وعليك ان تترك دائما خطاً واضحاً وراءك مما كانت قساوة الموقف.

"وفهم القلم ما قد طلب منه ودخل الي علبة الاقلام تمهيدا للذهاب الي العالم يعد ان أدرك تماما غرض صانعه عندما صنعه.."

والآن بوضع نفسك محل هذا القلم فتذكر دائما ولا تنسى هذة الامور الخمسة وستصبح انت افضل انسان ممكن

أولا:
ستكون قادراً علي صنع العديد من الأمور العظيمة ولكن فقط اذا ما تركت نفسك بين يدي الله ودع باقي البشر يقصدوك لكثرة المواهب التي امتلكتها انت.
ثانيا:
سوف تتعرض لبري مؤلم بين فترة واخرى بواسطة المشاكل التي ستواجهها ولكنك تحتاج لهذا البري ك تصبح انسانا أقوى.
ثالثا:
ستكون قادرا علي تصحيح الاخطاء والنمو عبرها.
رابعا:
الجزء الاهم منك سيكون دائما هو داخلك .
خامسا:
في أي طريق قد تمشي فعليك ان تترك أثرك وبغض النظر عن الموقف فعليك دائما ان تخدم الله في كل شئ...
"كل منّا هو كقلم رصاص تم صنعه لغرض فريد وخاص وبواسطة الفهم والتذكر لنواصلمشوار حياتنا في هذة الأرض واضعين في قلوبنا هدفاً ذا معنى وعلاقة يومية مع الله.."

.

كلام جميل جدا
فعلا مفروض الانسان يترك نفسو بين يدي الله
ويعمل علي طاعتو في كل شي في العمل والتعامل

Admin عدد المساهمات : 71 تاريخ التسجيل : 02/10/2010

روعه والله يا رائعه ... انتي عارفه الناس بقت كلها قلم رصاص بس شبيهه بقلم الحواجب اختفت الممحاه .. والشاطر البحتفظ بممحاتو

تسلمي يازوبة...واهم شئ ثقتو في ربنا تكون اكتر من ثقتو في اي شئ في الدنيا يكفي انو اقرب لينا من الكل

مشكووووور يابيدو..لكن لو كلامك حقيقة يكونو بقو اقلام رصاص بصفات اقلام الحبر
لأنو الغلط بيها يا اما تشخبط ودي مشكلة لانو الدنيا حتخرب يا اما كوريكت ودا برضو تشويه..
----------------------------------------------------------------
لكن ماشفتو يا زوبة وايمن بسمع في مزيكا ومع حركة اللون الابيض في الموقع رهييييييبة جربوها Smile

ههههههههههههههههههه
مزاجك رايق والله
في ناس عندهم ممحاه لكن مفتكرين انهم صح عشان كدا شايفين انهم مامحتاجين ليها
ديل البصلحهم منووووو؟؟؟؟

اعكرو ليه كلو بقى عندي واحد كان اتعكر ولا راق احمد وحاج احمد عشان كدة احسن يروق
اما ديل ياستي القلم مابيشوف الممحاة الفي آخرو وإذا ماحس بيها يبقى الحل الوحيد انو يتكسر عشان يشوفها ويحس انو كان بيكسر كتير ويغلط كتير بس لما يرجع يصلح نفسو حيكون في شرخ يذكرو بيها ومافي حاجة بتكسرو الا الزمن ولا واحد زيو ماشايف غير انو مستقيم وما محتاج يخطط الطريق المشى فيهو لانو ماحيرجع ليهو في يوم..

ااي خليك رايقة علي طول ده اليوم البمشي مابرجع
وذي ماقولتي ديل دايرين تكسير
والجوا القلم اصلا حيكون مكسر ومامتماسك مع بعض ذي مابنقول زمان(قلم خشابي)
مجرد منظر بس ببرا وحتي خطو في الكتابة مابكون واضح بس بحاول يجملو عشان يخدع البقراهو

هو مليان لكن مليان بي حاجات مانافعة في الحالة دي اخير يكون فاضي من يكون مليان..
Razz

الليلة انا شغالة ذكريااااات ساي هسة ذكرتيني القلم الخشابي نجري الدكان ونهزو اذا عمل صوت يبقى خشابي كان فيهو رسمات حلوة

ماهو بغطي علي فراغو بالشكل الحلو
ااي زمان كنا مرات بنتمقلب
والبراية البي مراية كمان متذكرها؟ هههههههههه

ياسلاااام دي حاجات مابتتنسي ..بيني وبينك انا بقيت انسى حاجات هسة وزمان لأ
شكلو خرف زماني ولا شنو ماعارفة Embarassed

لانو زمان احلي دايما
بنشيل منو الذكرى الحلوة الكل ماتمر بينا بنلقى روحنا تلقائيا ابتسمنا
او مرات بتنزل دمعة تقول لينا ياحليل زمان
بس نحاول نخلي حاضرنا ذكري حلوة للمستقبل

بنحاول يا زوبة ربك يسهل بس..

اكيد نحن نحاول علي قدر مانقدر وربك كريم
في حاجات معينة لو خلينها في بالنا صديقني كلو ببقى احلي