بقية حبوبات الالفيه الرابعه

قالت شاهناز بعيد عنك مشيت افحص الجينا بتاعتي اصلا عندي واحد مغلبني قلت اقلعو ارتاح وبعدها مشيت الصائغ غيرت غوايشي بي معدن جديد اسمو الزر انكلينيوم جابوه من كوكب مامتذكره اسمو بيدور حول نجم اسمو لالاند يبعد منناثمانية سنوات ضوئيه : اتغاظت رؤيه وقالت ليها بقيتي خطيره عديا الشئ القلتيه دا انا ماسمعت بيه ، كدي وريني واحده من الغوايش ولا ديل مابيورونا ليهم للمناسبات الرسميه فقط. وبعديها سالتها سمعتي شنطة اليد الجديده المعموله من رقائق السليكون؟؟
استعدت شاهناز للرد على هذه الهجمه الشرسه بعد نفس عميق : والله حاجاتك القلتيها دي انا مامرت علي ...لكن انتي سمعتي بالكفتيرات البتعمل بي موجات الفا ولا الكمشه الاستقطابيه ودي بتغرف الملاح براها وكمان الحله الفوتونيه ودي بتطبخ الملاح بالطاقه القمريه .
في هذه اللحظه حضر حاج رامي زوج حبوبه رؤية وهو في الثمانينات واستمع لهذا البوباريشن المعتق وسمع حاجه شاهنازتقول انا ولدي المغترب في كوكب نبتون جاب ولد الي يساعد مرتو في شغل البيت. هنا دخل حاج رامي وقال: قومن يانسوان سون لينا الغداء وخلن الفشخره الفاضيه دي ان شاء الله تقوم بيكن قنبله بوزوترونيه تريحنا من نقتكن وفشخرتكن دي

ههههههههههه والله خيال واسع اخت صباح يديك العافية ... حلوة حكاية ولدى مغترب فى كوكب نبتون دى

الرجال لحدي الالفية الرابعة بخلو النسوان يسوو ليهم الغداء
دي شقاوة شنو دي
ههههههههههههه

تصور يابوخو احنا لذلك العهد مازلنا بنفكر في الاغتراب ربنا يعننا

هههههههههههه وياريت عاجب ، شقاوه ومعاها قنابل

كر علينا نحن من الرجال ديل

وهل تستطيعي ان تحزفي الملح عن الطعام؟؟؟
هههههههههه

اللنقه صفه مميزه تتصف بيها المرأة ولاتستطيع الاستغناء عنها في نظر الرجل......