الخرطوم سنه2055 المشهد الاول

جلست سوزى برفقة حبوبتها رنا يتفرجو على التلفزيون وبدات الحبوبة تسأل فى حفيدتها : انت وين ليك يومين يابت ؟ ردت حفيدتها والله قاعدة يا تيتا بس ما طلعت من اوضتى لانه تامر بايت معاى عشان عندنا امتحانات وما ذاكرنا كويس من بداية السنة. ردت الحبوبة ربنا ينجحك يا بتى وسلمى لى على تامر .واثناء جلوس البنت وحبوبتها أطل المذيع وبدات نشرة الاخبار:
- المؤتمر الوطنى يثمن الدور القطرى لانجاح مفاوضات سلام دارفور
-والى الخرطوم يؤكد استعدادات ولايته لموجهة فصل الخريف
-مدير الهيئة القومية يعلن ان العام القادم سيشهد نهاية قطوعات الكهرباء
-وفى الاخبار العالمية:
-اشتباكات مسلحة على الحدود المغربية الاسرائيلية
-زهرة ياسر عرفات تعلن قرب قيام الدوله الفلسطينية
-امريكا ترصد مليار دولار لرأس فهد بن محمد بن اسامه بن لادن
-وزير الدفاع الامريكى يعلن عن بدء انسحاب تدريجى من العراق مطلع 2057
وفى النشرة الرياضية:
-المريخ يودع دورى الابطال على يد الغزاله التشادى
-الهلال يلحق بشيقيقه المريخ ويودع دورى الابطال بعد هزيمته على ملعبه 4/2 من سانت جورج الاثيوبى وصلاح ادريس يعقد لقاء تنويرى بدار النادى
الاخبار الفنية:
زواج الفنانه صباح من حفيد الفنان الراحل راغب علامه

ونوااااااصل غدا او بعده اوبعده

ياهو زاتوووو لكن حكاية تامر بايت معاي دي مادايرة ليها 45 سنة لقدام اديها بالكتييييييير 10سنة
لكن حكاية الاستعداد للخريف دي دايرة ليها 60 او 70 سنة حتي يفكرو التقول الخريف ده بجيهم فجاءة كلو كلو مابستعدو ليهو
غايتو حلم الجعان عيش
الخوف سنة 2055 مايكون في الخرطوم يكون اشتروها القطرييين

احييييييييييي انحنا الدقسنا الجينا بدري

سوزى وحبوبته ماشين عرس ود عم سوزى حماده فى احد النوادى الفخمه بمكان راقى فى وسط الخرطوم
وفى الطريق للنادى اخرجت حبوبه رنا موبايل صغير فى حجم علبة الكبريت حتى تطمئن على وصول بافى افراد الاسره مبكرا للنادى .
سوزى : ده شنو ياتيتا لازم تفضحينا بى موبايلك القديم ده يقولو علينا شنو اهل العروس؟
حبوبه رنا والله يابتى انا بحب حاجات زمان ياحليل زمنا زمن النوكيات وياحليل زمن الاكسبريس ميوزك هسى انا افتش لى موبايلى كل دقيقة امبارح فتشت عليهو ساعتين اتاريهو واقع فى كفة البنطلون بتاعى.

وصلت سوزى ورنا الى النادى الفخم وكان الحضور كبيرا وفى ذات اللحظة وصل العريس والعروس ونزلو من عربية طولها 18 متر العروس لابسه استريتش ابيض تحت الركبه مباشرة وستيان ابيض وخاته طرحة الزفاف فى راسها والعريس لابس سدبرى اسود على اللحم وبنطلون اسود ناصل ويظهر سرواله الداخلى احمر منقط بالاسود
حبوبه رنا مصمصت شفايفها واتلفت لى سوزى:لوووووووول ياسوزى ده لبس شنو ده؟ ردت سوزى دى الموضة يا تيتا عليك الله ماتعلقى يسمعونا الناس ردت حبوبه رنا والله دى مسخرة انا ما بقعد مشتته من دربى ده
فجاءة بدا الفنان بالغناء وصوت الموسيقى دون ان يكون هناك اى عازقين ولا اورغن اندهشت حبوبه رنا وسألت سوزى انتى يابتى العازفين ديل قاعدين وين ؟ ردت سوزى عازفين شنو ياتيتا الفنان عنده
MP70 خاتيهو فى جيبه
وبدأ الفنان يردد:يقوم بينا ديسكفرى يودينا للساكن القمر طق طق طق طق
لفيت مداره اكوس لى داره ...ز يودينا ديسكفرى
طلعت بلوتو نزلت نبتون تعال لى يا الخطرى .. الخطرى سبب عذابى
كلمت ناسا ... سبب التعاسه يالله جيب راسها
يودين ديسكفرى .... شيت ...شيت...شيت...شيت
يودينا ديسكفرى

ياحليلو نحن زمنا فات
وغنيانا ماتطبعا احمد الصادق وكدا

zenab كتب:

ياحليلو نحن زمنا فات
وغنيانا ماتطبعا احمد الصادق وكدا

فنانا مات قصدي احمد الصادق طبعا سنة 2055 بكون اتلاشى في زمن الضياع