وردى بوست توثيقى

امير الحسن
صاؤى عبد الكافى

من صحابك ومن قرايبك
يا حبيبي بغير عليك
كلو من قال ياحبيبي
افتكرتو يشير اليك
وأي عاشق لو تغنى
قلت لازم شاف عينيك
يا أمير

كنت تايه في بحور الشوق
وامواج الحنان
قلبك انت وحبك انت
جابني لي شاطي الأمان
والمحبة يا حبيبة
أقوى من بدر التمام
يا أمير

ياأمير الحسن لو تسمح ظروفك
كل ساعة
كل لحظة
كل يوم محتاج أشوفك
وين يا أمير

يحسدوني الناس في حبي
كم عذول روج اشاعة
انت يا رب المحاسن
والبراءة والوداعة
بإشارة من جفونك
قلبي قال سمعا وطاعة
يا أمير

لسماع الاغنيه اضغط الرابط التالى


[URL="http://www.sm3na.com/song29224.html

معليش ما قدرت انزلها

أعز الناس ..اسحاق الحلنقي

يا أعز الناس حبايبك نحن
زدنا قليل حنان
دا العمر زادت غلاوتو معاك
وصالحني الزمان
يا أحن الناس حنان

كنت من قبلك
بشيل الليل دموع
واطويه هم
انا كنت بخشى
على الأماني الطفلة
يفنيها العدم
وجيت لقيتك بين قلبي دموع
وغنيتك نغم

يا حبيب
ورد الأماني
الفي أعماقي فتح
وابتدا القلب
العاش العمر في آهاتو
يفرح
والزمن ماظنو بعدك انت
يرجع تاني يجرح

نامت أحزان عمري
غنى زماني
واتلاشت صعاب
أنا قبلك الأيام
قضيتا سراب
يسلمني السراب
وبيك طويت من عمري
صفحة ماضي مكتوب بالعذاب

شكرا الفراش الحائر ... وردى قامه تستحق ان توثق لها كما لايفوتنا ذكر هولاء الشعراءاصحاب الكلمات الشجيه الذين عبروا عن دواخلنا بنظمهم الجميل وكتير من الناس يحفظون الاغانى ويطربون لها دون ان يعرفو من هو شاعرها وسوف تجدين فى هذا البوست حرصى على ذكر اسم شاعر الاغنيه