واحد مشوكش

موضوع: واحد مشوكش الثلاثاء أكتوبر 12, 2010 3:59 pm

لو قلت عنك بأنك قبيحة فقد كذبت أيتها الجميلة، لكنك وللأسف الشديد إنسانة انتهازية
باعتني لأول مشتري وبأبخس الأثمان..
هذا قدري وأنا أؤمن بالأقدار، ولولاها لما أحببتك،
فكما يقولون (الحب أعمى) وهذا ما حدث لي بالفعل، ولو كنت أملك أمر نفسي لما أحببتك
ولأحببت صديقتك هالة فهي تفوقك في كل شيء، في الخلقة والأخلاق، لكنني ماذا أفعل مع حظي
العاثر الذي رماني في امرأةٍ لا يوجد في قاموسها شيءٌ اسمه المشاعر والأحاسيس النبيلة.....

لكنكم لو تعرفون باعتني لمن لازداد كرهكم لها؟

باعتني لمغترب يكبرها بعشرين سنة يقال بأنه طيار.. ويعني شنو طيار؟ ما سواق طيارة زيو
وزي بقية السواقين الماليين البلد، لو كان بسوق طيارتو لمطار هيثرو أو غيرو يعني يفرق
شنو من السواقين البسافروا بورتسودان والأبيض ودنقلا؟ علي الأقل ديل بسافروا لمدن سودانية
نحبها ونحب ناسها..
وتانياً هو مغترب وين يعني؟ مغترب في فنزويلا ولا تركيا ولا كوبا ؟

ما مغترب ليهو في دولة أقامت علاقات تجارية مع إسرائيل.. يعني ممكن يكون شغال سواق طيارة
إسرائيلية وما بعيد يكون انضم لجمعية الصداقة السودانية الإسرائيلية بتاعة ناس تراجي مصطفى
البتكتب في منبر سودانيز أونلاين المنبر بتاع المعارضين بتاعين الضللة، البقى مسيطرين عليهو
الكيزان..

يعني شنو عريسك أب كرشة ده لو ساقك الخليج وعشت في الخير والنعيم؟ هل ممكن يحبك أكتر منّي؟
ما أظن.. عريسك أب صلعة الأشتر ده ما قادر يرقص معاك كويس، الموسيقى كانت في جيهة ورقيصو كان
في جيهة، عليك الله ده حاتتفاهمي وتتناغمي معاهو كيف؟ زول ما قادر يتناغم مع الأغنية معقول يتناغم
مع إنسانة شافها في بيت الجيران؟ عريسك ده قايلاهو لو طوّل خلاص، بعيش ليهو أكتر من خمسة أو ستة
سنوات؟

والله أنا خجلت من الفنان الجابو ليك في حفلتك.. فنان أشتر وما بعرف يغني، الحفلة كلها كانت عبارة
عن أغاني هابطة.. أغاني كلها أغاني جبجبة.. وأنا ما أظلم الفنان ربما يكون متضامن معاي وكان عاوز
يقول الليلة دي ما ليلة السقوط الأخلاقي وسقوط العهود والمواثيق بس، بل هي ليلة سقوط الفن السوداني
الأصيل.. وأنا في الأول نويت أخرب الحفلة لكن من لقيت فيها الفنان الأشتر ده قلت مافي داعي، الحفلة
براها خربانة وأحسن الناس تتفرج على ذوق العريس التعبان. عليك الله لو كان عندو ذرة من الذوق، كان
ممكن يرقص ويبشر ويسكسك سكسكتو الشتراء دي؟

وأمك البلباصة البتحب القروش كانت تزغرد كل دقيقتين ومستلمة الحفلة التقول حفلة عرسها، نست كل
القروش الأكلتها مني، القروش الكسبتهن بتعبي وعرق جبيني.. نست كان كل يومين تلاتة ترسل لي أخوك
الصغيّر القاعد يجي الطيش في المدرسة.. يجيني في كل مرة: قالت ليك أمي عاوزة ليها خمسين ألف..
قالت ليك أمي عاوزة لي مية ألف.. نست كل شيء.. نست الفواكه والسمك واللحمة والكوارع والباسطة
وعصير التانك الكنت بجيبها ليهم كل يومين تلاتة..

أما أبوك الجبهجي الضلالي ده فعندي معاهو حساب طويل عريض.. المنافق كان طوالي ينادي لي تعال يا
أيمن يا ولدي.. بالله في زول بشكوش ولدو؟ أنا كان ما سجمان أناسب لي زول كوز.. ديل انقلبوا علي
شيخهم ما بنقلبوا علي أنا المسكين! بس أنا بتمنى الحكومة دي تتقلب وأبوك ده يروح في ستين داهية ..
وإن شاء الله بركة الشيخ العليش كلكم يسوقوكم لاهاي، وأنا من هسه مع محكمة الجنايات الدولية قلباً
وقالباً.. إن شاء الله تطلّع روحكم يا مجرمين يا البتشوكشوا أبناء شعبكم.. وبعد كده نحن ما حا نسكت
على الظلم والتهميش.. وأقولها ليكم بالفم المليان.. حلايب مصرية.. ونحن مع حق تحرير مصير جنوب
السودان.. وبنتضامن مع كل حركات التحرر في العالم..

الناس قالوا عوض حايبكي ويتأثر، لكن لما شافوني في الحفلة عرفوا إنو عثمان ولد ليهو
سبع.. لا بهموا شاكوش ولا بهموا ضياع القروش.. هيييع أنا أخوك يا رشا..

ونحن ناس أهلنا ربونا علي القناعة والصبر عند المصائب... بس عندي كلمة للعريس إن شاء الله لما ترجع
الخليج تلقى روحك فنشوك بسبب الأزمة المالية العالمية.. يا سواق الطيارة يا متفلفس يا أبو نظارات..
وإنت يا العروس... أنا ما بحقد عليك، لكن بتمنى من الله، أصلو ما تضوقي سعادة مع عريسك أب كرشة ده..
وفي النهاية بقول ليك إن شاء الله لما تكونوا مسافرين الخليج ما تلقوا حجز إلا في سودانير..
عشان تلحقوا أمات طه..

مع الاعتذار للاسم ياأيمن

Admin عدد المساهمات : 71 تاريخ التسجيل : 02/10/2010

اعتذارك ما بفيدك وشكلي ماسكه ان شاء الله

عشان كده ح اركز علي صحبنك من اسي

ولا يزيد الشاكوش المسمار الا ثباتا ...

ويا هاله ختي نفسك في الصوووووووووووووره

لالا
هالة مرتبطة عشان ماتاخد الشاكوش التاني

عدد المساهمات : 36 تاريخ التسجيل : 10/10/2010

صورتى حال كثير من الشباب المقهور يا زينب ... واصلى ابداعك مشروع اديبه كبيره والله انك تجيدين الرسم بالكلمات هذا هو التعبير الوحيد الذى خطر بذهنى لوصف ابداعك ... الرسم بالكلمات

عدد المساهمات : 54 تاريخ التسجيل : 05/10/2010

هههههههههههههههههههههه , جميل يا زوبة,,, وزي ما ذكر بوخو دا حال كتير من الشباب ,,,,,
لكن دا كلو يا ايمن و ما حاقد , فضحيحة و شيلة حال و ان شاء الله بعد داك تكون ارتحت و زي ما قلت الشاكوش بزيدك ثبات يا المسمار pirat

,,

بقى المغترب والاغتراب هاجس الشباب في الزمن ده
الحل عرس جماعي تحت شعار اقلهن مهرا اكثرهن بركة ههههه

موضوع: رد: واحد مشوكش الخميس أكتوبر 14, 2010 2:42 am

ياحليلو ربنا يعوضو بواحدة مغتربة ههههههه..مساء الخيرات للجميع وليك يازوبة خاص جدا...معليش ياشباب علي الغياب الدنيا دي التقول انا طريدتها..ومالك مافي يابنت قلت هسة اسلم عليك بتقفليها علي منو وانا مافي؟ ولا حصريا علي بس n_n

موضوع: رد: واحد مشوكش الخميس أكتوبر 14, 2010 3:52 am

هههههههههههههه
حصريا عليك انتي بس
الدنيا مالا تاني معاك ؟ ماكنتي رايقة

موضوع: رد: واحد مشوكش الخميس أكتوبر 14, 2010 4:01 am

اظنكم سحرتوني هههههههههه
تقولي شنو بس مرة مرة بتلطش لكن هسة عاااال العال الحمد لله والجامعة كمان فتحت وانا يادوب حأنزل غايتو الحمد لله

موضوع: رد: واحد مشوكش الخميس أكتوبر 14, 2010 4:05 am

ربنا يكون في عونك ياعسل
وبتهون صدقيني

» واحد في المليون الفاتح جبرا