لا للانفصال

وطن واحد .. وطن واعد

وطن واعـــد .. بغنِّيلو

موحَّد .. والمصير واحد..بغنِّيلو

وطن من كسلا للفاشــر ** وطن من نمولـي لي حلفا

وطن بالوحدة يتعافــى ** ربوعــــــــــو تعمهــا الإلفــة

يقيف ناهض على حيلـو


شمالو البي الجنـوب قـوَّة ** جنوبـو مع الشمال خُوَّة

غربـو ال للشــــرق يهوى **وشرقو مع الغـرب يقوى

سلام .. .. والناس تناديلو


وطن ما فيهو قبليـــــة ** ولا نزعــــــــــــة إنفصاليــة

وطن زنجيتو عربيـــــة ** وعروبتو السمــــــرا زنجيــة

سوا سوا .. كلُّو حريـة


سوا سوا يا بجــة ونوبة ** سوا سوا .. فور وشايقيـة

مسيرية وشلك ، دينكــا ** سوا سوا زانـــدي ، لاتوكا

وطن حق كل زول .. هولو


سوا سوا صحرا والغابة ** سوا سوا وحـــــدة نرضابا

سوا سوا نخلة وابنوســة**روا روا فوق ضفــاف نيلو

وطن واحد .. ولا غـيرو ** جميــع نتهنى بـي خيــرو

نغــني مع عصافيـــرو ** وننقـــرش فـي طنــابــيـرو

نصفق له ونراقصو نشيل شبابيلو

اشعار : السر عثمان الطيب

هوووووووووووووي
خليكم من الهضربة في السياسة شوفو مواضيع أخري زي العرس واليأس والقروش والقراية و و و ....
بعدين كدي ال نهضرب ليكم في النقطة دي:
الجنوبيين ديل قالو ليك حتي السلام الوطني والسفراء جهزوهم يعني معقولة بعد التعب والخسارة دي يسمعو ليهم كلام مهترشين؟؟؟..
قال وحدة قال..

انحنا مافي الجنوبيين لانو امورهم واضحه بترول وسافنا غنيه ومطر وقهر وحاجات وبركات
انخنا في حقننا ديل يقبلوا وين ....
البلح ده تاني الا يعملوا شامبيون