قالوا فى الزواج والازواج

عشان كدا قعدنا بايرين ههههههههه
ذكرتني نكته واحد اهبل اتزوج وحده وبعد شهرين جابت ولد الناس سألوهو كيف دي
قال ليهم اها انجهونا

ههههههههههههههههههه,, قلتو كدا احسن,,
67fa6cb8-2c80-4f2c-ba98-891d62979ca1
1.03.01

ههههههههههههه هووووووووووووي ماتخلونا نقبل عليكم بعدين الكديس لم ما يلحق اللحم بقول شنو ؟؟
والله عجبتني حكايه تزوجت من الرجل الخطاء دي
غايو يالرجال الله يهديكم

الموضوع دا احسن من يرد فيهو نحن المتزوجين:
مره واحد جا من امريكا وسالنى عن ناس الحله بالدور واخيرا جا الدور على واحد فردته بالله كيف عمر لسه ساكى الحفلات؟ قلت ليهو بعد ما عرس خلى حكايه الحفلات دى ... قال لى بالله عمر عرس والله كان راجل طيب خلاااس


واحد من اخوانا المتزوجين وبتاع سجارات قالو ليهو : فلان عرس ... قال ليهم ما كان اخير ليهو الصبغه هههههههههههه

ههههههههههههههههههه
يااخوانا مالكم عاوزين تخلونا نلاوز من الزواج

ههههههههههههههههههاي.... خوفتونا عديل كده... لكن برضو ما بنحردو

والله ياشباب مافي شئ يخليكم تشنوا حمله قدر دا على النساء
اذاكان هنالك هجوم اولى ان يكون على الزمن وعلى المفاهيم الخطأ لاختيار الشريك
والله جميع النساء مسالمات وعايزات يعيشن في هدوء وسلام ولكنهن في نفس الوقت صعبات حين يكتشفن مايهدد سعادتهن واستقراهن

أقرأو معاى رد احد الاخوات فى نقاش دار حول العرس :

والله يا اخ خالد ذكرتني بالزول البمشي يخطب(يعني يمد صباعو ) يمسكو يعقدو ليهو (اي بمعني بيجرو من ضراعو ) بالقصه دي
العريس الداقس
كالعادة وخلافا لكل دول العالم التى تتم فيها مراسم الزواج فى يوم او اثنين وبأقل التكاليف الممكنة نجد ان الزواج ا...لسودانى هو عبارة عن مسلسل مكسيكى يستمر لايام وايام يجتمع فيها الاهل والاحباب والجيران وجيران الجيران والاقارب من الدرجة الخمسمائة بعد الالف وينفق فيه اموال طائلة تكفى لبناء مستشفى حديث او فندق 5نجوم او رواتب المعلمين فى احدى المحافظات
تبدأ الحكاية بعد ان تحس بالقلق عندما تجد ان معظم اصدقاءك قد دخلو القفص الذهبى طائعين مختارين_اؤمن تماما بمسألة القفص ولكن لدى تحفظات كثيرة على حكاية ذهبى دى_المهم تحس وتأخذك غضبة حمقاء وتناجى نفسك وانت فى حفلة زواج بالخطر احد الاصدقاء (والله الواحد بعد دا يشوف ليه مرا. معقول هناى الاهبل دا يعرس وانا لسه قاعد براى زى تور الساقية) عندها يستعرض خيالك قائمة طويلة من معارفك البنات ابتداء من ناس نونة زميلتك فى الروضة مرورا بصديقات مرحلة المراهقة الكتار وحتى زميلات الجامعة والشغل وبنات الحلة وبنات الاعمام والاخوال وباقى الاهل ثم وبسرعة تنسى كل اولئك النساء فى حياتك عندما تسترعى انتباهك الحسناء الجالسة فى ركن قصى فى حفل ذات الصديق الاهبل,تحبها من اول نظرة وتراقب حركاتها وسكناتها, تلاحظك هى لكن تعمل ماشايفة وتتلاهى بمكالمة وهمية فى موبايلها وهى ترمقك من طرف خفى كما يفعل الصياد المحترف
المهم تتعارفوا بواحدة من الطرق الكثيرة وجلسة جلستين فى الكافتريا ثم (ياهناى والله انا ماممكن اطلع وانزل معاك كدا ساى, الناس تقول علينا شنو؟ سمعتى حتبوظ) ثم تمسح دمعة وهمية من عينيها فتأخذك الحماسة وتقول (والله ياسوسو_ودا اسم دلع يقبل آلاف الاسماءمنعا للمشاكل_انا ناوى اصل بيتكم بس انتى عارفة الظروف والعرس بيكلف كتير وووووو) فتقاطعك سوسو بحنية ثعلبية وبنعومة الافاعى (انا مادايرة منك شى, انت بس تعال اخطب والعرس يتأجل لحد ماالظروف تتحسن) فتصدق الكلام من عوارتك وتحدد يوم الخطبة وتأخذ ثلة من اهلك وقليل من جيرانك واصدقاءك وتقصد بيت الملاك المختار وتفاجأ انت واهلك بحشد كبير فى بيت العروس وخيمة كبيره امام البيت وصوت المايكرفون يردد (تست تست واحد اتنين تلاتة تست تست) تأخذك الدهشة قبل ان يأخذك ابو العروس جانبا, يعدل عمته التوتل ثم يقول (والله ياولدى انحنا خطوبة ومسخرة ودخلة ومرقة ماعندنا,عشان كدا قررنا نعقد ليكم طوالى والعرس بالراحة) ثم بأبتسامة محذرة (ولا رايك شنو؟) وقبل ان تدلى برأيك غير المعتد به اصلا يكون وكيلك ووكيلها قد اتموا عقد القران فى الخيمة وتحولت انت بقدرة قادر من مشروع خطيب الى زوج-مع وقف التنفيذ-بسرعة البرق ثم يغمرك المعازيم (مبروك ياعريس مبروك ياعريس بيت مال وعيال) وانت كاضم ماقادر ترد وتسمع احدى عمات العروس وهى تقول (شوفوا ياخوانى من الفرحة لمن ماقادر يتكلم) ثم تطلق زغرودة مدوية وهى تبتعد تجتاحك معها رغبة فى لكمها فى فمها لتخرس الى الابد .. فرغم انها صارت شرعا حرمك المصون الا انه يجب عليك ان تقوم بطقوس مهولة ومراسم عرس كامل لأستلامها!!! وعندما تثور على الوضع وتحلف بالطلاق ان تمشى تجرها من شعرها وتجيبا بيتك بدون حفلات او كلام فارغ وتخلص .. تفاجأ بأن المعارضة تأتيك من الداخل أى امك واخواتك (ليه مادايرنا نفرح بيك؟ انحنا اقل من الناس البسوو الاعراس؟ والله لو ماعملت عرس ماعافيين منك؟ عليك الله عاين دا, داير الجارات ياكلن وشنا؟) فترضخ للأمر الواقع وتبيع قطعة ارض ورثتها عن جدك الرابع عشر وترهن بيت ابوك وتبيع الكمبيوتر والموبايل وتزوغ ببعض الصناديق ثم تستلف من 10-15صديق واخيرا جدا تجد نفسك حالق جديد ولابس بدلة سوداء لون الحداد!!!- متأبط شرا هي عروسك المصونة والتى جاءتك فى هيئة فيل صغير بعد ان نجحت وصفات التسمين التى قامت بها العمات والخالات وبعض الصديقات الخبيرات, تأتيك متدحرجة فى فستان ابيض-لون الفرح!!! -فتجلسا تحت بقعة ضوء مزخرفة عليها كرسيان تعرف بالكوشة- والتى لاول مرة تدرك معناها- الجميع فى الحفل فى رقص هستيرى والفنان يصدح بسعادة غير مبررة (شن بتقولوا فى الفرح البعذب سيده والريد البضيع زولوا!!) فتلمس الاغنية فيك اوتارا حساسة وتكاد تطفر الدموع من عيونك, وتجول عيناك على الحضور السعيد وتتوقف عيونك على آخر العزاب من اصدقاءك وهو يرنو اليك بحسد تارة وتجول عيناه بين الحسناوات تاره اخرى وتكاد تقرأ افكاره وهو يفكر (هسى فلان الاهبل دا عرس وانا قاعد براى زى تور الساقية؟) فتكاد تصرخ فيه محذرا ولكن صوتا خبيثا فى داخلك يهمس بمكر وحقد (وانا مالى, هو أنا فى زول حذرنى؟)؟

"عشان كدا لمن تمشي مناسبة حتلقى الجكس بعاين ليك وبيبتسم ليك أعمل حسابك لأنو بضحك عليك ودنقر راسك طوالي وأعمل فيها أهبل ولو حاولت تتكلم معاك وتشاغلك أبكي عشان تقول عندو نفسيات ولو أصرت وعملت فيها مصلح ودكتورة أصرخ وأقطع فيه كف وقوم جاري أخير ليك يقولوا مجنون من يحننوك بالجد" نصيحة من داقس

البيتزوج بالطريقة الوصفتها دي يستاهل البيجري ليه من اهل العروس . انا معاك ان تكاليف الزواج كثيره جدا لكن الحكاية بتتوقف على التفاهم بين الطرفين اي الزوج والزوجه . ووصفك هنا للمرأة سلعه تمشي السووق تعجبك تختارها وماعندك علم بأي شي عنها ولا عن الحواليها .كيف تأمن على نفسك واولادك على واحده اخترتها لشكلها فقط والمصيبه بتقول انك جامعي وفي عصر التفتح والتفاهم والنت.
جمعة مباركة.

صباح كتب:

البيتزوج بالطريقة الوصفتها دي يستاهل البيجري ليه من اهل العروس . انا معاك ان تكاليف الزواج كثيره جدا لكن الحكاية بتتوقف على التفاهم بين الطرفين اي الزوج والزوجه . ووصفك هنا للمرأة سلعه تمشي السووق تعجبك تختارها وماعندك علم بأي شي عنها ولا عن الحواليها .كيف تأمن على نفسك واولادك على واحده اخترتها لشكلها فقط والمصيبه بتقول انك جامعي وفي عصر التفتح والتفاهم والنت.
جمعة مباركة.

الكلام دا على لسان احد الاخوات نقلته لكم هنا لاوضح الرؤية من منظار احدى الفتيات ولست انا بكاتبه اخت صباح وهو زى وصية اخت لاخيها فالمرأة ليست سلعه فهى الام والاخت

أقرأو معاى رد احد الاخوات فى نقاش دار حول العرس :

والله يا اخ خالد ذكرتني بالزول البمشي يخطب(يعني يمد صباعو ) يمسكو يعقدو ليهو (اي بمعني بيجرو من ضراعو ) بالقصه دي

شكري بني على التوضيح واسفه على انفعالي عليك

ولا يهمك ما ورد على لسان الاخت اعلاه ماهو الا قطعة من الادب الساخر حتى ان كاتبتها قد لا تكون تؤمن بمضمونها وهى من قبيل النقد لبعض عاداتنا السيئة فى المجتمع كما ذكرتى اختى الفاضلة ولكن بشكل ساخر ......لك خالص الود والاحترام