العلاقه بين فتاة الثامنة عشر الى العشرين بوالدتهم

اطرح موضوعي هذا للنقاش والتوجيه
أنا ام لشابتين في العمر اعلاه ولكني فشلت في التعامل المثالي معهم ، هل اشد واكون ام دكتاتوره سيئة ام ارخي واكون سلبيه متساهله لا تحترم لي كلمه - اريد اراء الفتيات والفتيان في هذا العمر بصراحه ماذا يفضلوا ؟؟؟؟؟

خليك في الوسط
المواضيع البتحسى انها خطر عليهم خليك فيها حاسمة
ماترخي ليهم علي الاخر عشان تاني ماح يسمعو كلامك لو منعتيهم من حاجة غلط
وماتكوني صعبة شديد لانهم ح يخافو يحكو ليك اي حاجة
وفي حاجات بتختلط عليهم بكونو عاوزين زول يفهمهم الصح من الغلط
واهم حاجة اصدقاءهم لازم يكونو كويسين وتكوني بتعرفيهم كويس
لانهم ديل الباثرو اكتر حاجة في بناتك
ولازم تكوني عارفة الحاصل برا شنو عشان تقدري تقنعيهم بالمنطق
لانو لمن انا كنت في سنهم كنت دايما بردد عبارة(عليك الله ياامي انتي من زمن كدا انتي ماعارفة الحاصل برا ساي
اتمني اكون افدتك ولو بجزء بسيط وربنا يحفظهم ليك ومادام ربيتهم كويس اكيد ح يكونو عند حسن ظنك

جزاك الله الف خير

يارب اكون افدتك

مع زينب في الوسطية ,, والمهم انك تكوني صديقتهم المقربة والاولى , وتشاريكهم مشاكلك , و تاخدي رايهم عشان يحسو بانك قريبة و شوفي الهوايات المشتركة بيناتكم و صاحبي اصداقئهم و اعرفيهم و اتواصلي معاهم زيهم وبين فترة وفترة اقعدوا قعدة تتصافو فيها , كل زول يقول الحاجة الما عاجباه في الطرف التاني شوية شوية اي حاجز حيتلاشى و تصلي للمطلوب , , ^_^

بناتي العزيزات مشكورات
ما اظن اني ام متزمته بدليك ان مشاركاهم في اكثر الامور المتحضره واولها الفيس بك
لكن اجد في هذا الجيل بعض الاستقلاليه الاكثر من اللازم والثقه بالنفس . هناك بعض الامور التي تشعل الحرب بيننا وهي المكالمات التلفونيه الليليه وزيارات ومجاملات الصديقات لوقت متأخر من الليل
وهنا يظهر تخلفي وتقوقعي
( انا مكان الام والاب)
فما رأيكن هل في نظركن ابدوا كما وصفنني؟؟؟؟،